rafidnadarsambandid rautt

Mótframlag atvinnurekenda í lífeyrissjóð hækkar

Síðasti áfangi hækkunar á mótframlagi atvinnurekenda í lífeyrissjóði launafólks á almennum vinnumarkaði kom til framkvæmda þann 1. júlí 2018 en þá hækkaði framlagið um 1,5% og er nú orðið 11,5%. Skylduiðgjald til lífeyrissjóðs nemur því nú samtals 15,5% sem skiptist í 4% iðgjald launamanns og 11,5% mótframlag atvinnurekenda.

Atvinnurekenda greiðir hækkað mótframlag til þess lífeyrissjóðs sem skylduiðgjaldið er greitt til en sjóðfélagar geta nú sjálfir ráðstafað allt að 3,5% af lífeyrisiðgjaldi sínu í tilgreindan séreignarsparnað með samningi við lífeyrissjóð eða nýtt það til að auka tryggingavernd sína til örorkulífeyris og ævilangs ellilífeyris í samtryggingu.

Hækkun mótframlags atvinnurekenda byggir á kjarasamningum aðildarfélaga ASÍ og SA frá janúar 2016 en þá var samið um 3,5% hækkun á mótframlagi atvinnurekanda í lífeyrissjóð sem tók gildi í þremur áföngum á árunum 2016-2018.

Taktu upplýsta ákvörðun um lífeyrisréttindin þín

Hver og einn launamaður ákveður sjálfur ráðstöfun hækkunar mótframlagsins, allt að 3,5% af launum, í tilgreinda séreign eða samtryggingu.

Viljir þú að hækkun mótframlags atvinnurekanda fari í tilgreinda séreign getur þú haft samband við lífeyrissjóðinn og gengið frá yfirlýsingu þar að lútandi.  Að öðrum kosti rennur hækkunin í samtryggingu og réttindi þín til örorkulífeyris og ævilangs ellilífeyris aukast.

Þú getur síðan hvenær sem er ákveðið að breyta ráðstöfun hækkunar mótframlags atvinnurekanda, úr samtryggingu í tilgreinda séreign að öllu leyti eða að hluta, eða úr tilgreindri séreign í samtryggingu. Breytingin tekur þá gildi frá þeim tíma, en er ekki afturvirk.

Allar frekari upplýsingar má nálgast hjá lífeyrissjóðunum. (Birta Lífeyrissjóður)

heldriferd 2018

Í gær þann 27.júní var hin árlega Heldrifélagaferð RSÍ.

Að þessu sinni var farið til Akranes og kíkt á byggðasafnið, bíóhúsið og drukkið kaffi í gamla kaupfélaginu.

(sjá myndir...smella hér)

 

Fjolsk 2018

Fjölskylduhátíð RSÍ fór fram um síðustu helgi. 

Myndir frá hátíðinni (smella hér)

 

 

Spann old

Til sölu eru tvær íbúðir í eigu sambandsins í Torrevieja á Spáni.  Nánari upplýsingar eru  á orlofsvef sambandsins. Íbúðirnar voru teknar í notkun vorið 2002.

Íbúðirnar verða lausar um áramót.

Félagsmenn sambandsins hafa forgang að kaupum. Senda þarf inn tilboð í síðasta lagi kl. 12.00  föstudaginn 13. júlí á netfangið agust@rafis.is.

Rafiðnaðarsambandið áskilur sér rétt til að hafna öllum tilboðum.

Nánari upplýsingar er hægt að fá með því að senda póst á agust@rafis.is

Rafiðnaðarsamband Íslands

Nánar um íbúðirnar (smella hér)

 

Salin30 2018 Banner1

Líkt og undanfarin ár verður fjölskylduhátíð RSÍ haldin að Skógarnesi við Apavatn og þetta árið ber hátíðina upp á helgina 22. - 24. júní. Hátíðin hefur notið gríðarlegra vinsælda meðal félagsmanna enda sniðin að því að skemmta félagsmönnum og gestum þeirra. Hátíðin í ár verður með hefðbundnu sniði, fjölbreytt að vanda og í nógu að snúast fyrir börn og fullorðna. Bíóleikurinn vinsæli verður á sínum stað strax á laugardagsmorgninum, skátar mæta svo upp úr klukkan 11 með leiktæki. Viðavangshlaupið verður að venju kl 13 og að því loknu verður öllum boðið upp á hressingu. Eftir hádegi verður keppt í körfubolta, fótbolta og pútti. Einnig verður veiðikeppni og verðlaun veitt fyrir stærsta fiskinn. Allir ættu að geta fundið eitthvað við sitt hæfi. Á svæðinu verður komið upp tjaldi með skjá svo enginn ætti að missa af leikjum á HM. Um kvöldið verður svo slegið upp balli og hljómsveitin Sálin mun skemmta gestum til kl. 23:30.

Í ár fagna tvö aðildarfélög RSÍ stórafmæli. Félag rafeindavirkja var stofnað 1968 og er því 50 ára og Félag tæknifólks í rafiðnaði fagnar 25 ára afmæli. Að sjálfsögðu bjóða félögin gestum sínum upp á afmælisköku í tilefni tímamótanna.

 

                                                                             FRV50ara          FTR25ara

rafidnadarsambandid bleikur

Lagt verður af stað frá Stórhöfða 31 kl 13:00. Áætlunarstaður er Akranes, þar bíður okkar fjölbreytt og skemmtileg dagskrá þar sem Ingibjörg Pálmadóttir mun segja okkur frá sögu Akraness í máli og myndum. Kaffihlaðborð verður á sínum stað eins og vanalega og Byggðasafnið á Görðum heimsótt.

Skráning hefst 11. júní kl: 9:00 og lýkur á hádegi 22. júní. Makar eru að sjálfsögðu velkomnir en mikilvægt að skrá mætingu hans samhliða skráningu félagsmanns. Einnig er nauðsynlegt að skrá gsm símanúmer.

Þessar ferðir hafa verið vel sóttar síðustu ár og því mikilvægt að skrá sig tímanlega til að komast að en hámarksfjöldi í ferðina er 150 manns.

Hægt er að skrá sig með því að senda tölvupóst á netfangið rsi@rafis.is eða með því að hringja í 580-5200.

 

rafidnadarsambandid rautt

Vegna forfalla er íbúðin í Kaupmannahöfn laus frá miðvikudeginum 6. júní til 13. júní. Tilvalið að skreppa í helgarferð í sólina!!!!!

 

 

 

 

 

 

rafidnadarsambandid bleikur

Vekjum athygli á lausum orlofshúsum um helgina á Einarsstöðum, Svignaskarði, Vestmannaeyjum og einu húsi í Skógarnesi.

golf

Golfmót iðnaðarmanna fer fram þann 2. júní 2018 á Hólmsvelli í Leiru (Leirunni). Rétt er að vekja athygli á að Spennugolf RSÍ er nú hluti af stærra móti með fleiri iðnaðarmannafélögum. Skráningu fer að ljúka en það er enn laus pláss en þeim fækkar. 

Ræst verður út kl. 09:00

Mótsgjald er 4.000 kr. (mótsgjald, teiggjöf, spil og matur að spili loknu).

Síðasti skráningardagur er 25. maí kl. 16 eða þegar hámarksfjölda er náð. 

Skráning (smella hér)

Vegleg verðlaun verða í boði !

rafidnadarsambandid2Send hefur verið tillaga um breytingu á framlagðri tillögu stjórnar Haga hf. en þar leggur stjórnin til 10% launahækkun til sín og er formaður stjórnar að hækka úr 600.000 kr í 660.000 kr. á mánuði svo dæmi sé tekið. Það er augljóst að þessi stjórnarlaun eru komin svo langt úr hófi að ekki verður séð að ástæða sé til þess að hækka þau svo ríflega og er það tillaga frá Rafiðnaðarsambandi Íslands að launin haldist óbreytt og verði ekki hækkuð í bráð. Réttast væri að sjálfsögðu að launin yrðu lækkuð hressilega en látum á það reyna hvort þessi tillaga verði ekki bara samþykkt á fundinum.

Tillagan var send á Haga hf. og væntum við þess að henni verði fylgt eftir af þeim fulltrúum sem á hluthafafundinum verða og þá sérstaklega úr baklandi lífeyrissjóðanna.

 

Þessi vefur notar vafrakökur til að tryggja eðlilega starfsemi vefsins og mæla heimsóknir á hann. Engar persónugreinanlegar upplýsingar eru vistaðar án samþykkis. Til að lesa nánar um hvernig við notum vafrakökur á þessum vef, Smelltu hér.

Samþykkir þú að vefurinn noti vafrakökur?