Fréttir frá 2019

06 25. 2019

Samningaviðræðum RSÍ og ÍSAL frestað vegna sumarleyfa

rafidnadarsambandid rautt

Samningsaðilar hafa komið sér saman um frestun á viðræðum vegna sumarleyfa og munu samninganefndir hefja aftur viðræður í september 2019.

Vegna þessa mun ISAL greiða eingreiðslu að upphæð 100.000 kr. með næstu launaútborgun sem gildir sem fyrirframgreiðsla inn á þær launahækkanir sem samið verður um í kjarasamningum. 

Eingreiðsluna fær hver starfsmaður sem var með fastráðningu þann 1. júní 2019 og er með ráðningarsamning sem nær fram yfir 1. nóvember 2019. Starfsmenn í hlutastarfi fá hlutfallslega greiðslu, en hlutastarfsfrí skerðir hana þó ekki. Sama á við um starfsmenn sem hafa ráðningarsamning sem nær ekki fram yfir 1. nóvember 2019. Hjá starfsmönnum sem láta af störfum á tímabilinu 1. júní – 1. nóvember 2019 verður eingreiðslan endurreiknuð í lokauppgjöri miðað við starfshlutfall tímabilsins.

Starfsmenn sem eru lausráðnir og á nemasamningi fá mánaðarlega greiðslu 17.000 kr. til 1. nóvember, eða út ráðningasamning sinn sé hann styttri.

Launalaus leyfi og fæðingarorlof á tímabilinu 1. júní til 1. nóvember teljast ekki til starfstíma og geta því haft áhrif á heildarupphæð eingreiðslunnar.

Aðilar fallast jafnframt á að breyta viðræðuáætlun þannig að til 1. nóvember nk. gildi friðarskylda milli aðila.

Þessi vefur notar vafrakökur til að tryggja eðlilega starfsemi vefsins og mæla heimsóknir á hann. Engar persónugreinanlegar upplýsingar eru vistaðar án samþykkis. Til að lesa nánar um hvernig við notum vafrakökur á þessum vef, Smelltu hér.

Samþykkir þú að vefurinn noti vafrakökur?