rafidnadarsambandid rautt

 

Í síðustu viku fór fram könnun meðal félagsmanna um það hvort breyta ætti skiptidegi í orlofshúsum Rafiðnaðarsambandsins og færa þá frá föstudegi yfir á miðvikudag. Félagsmenn höfnuðu þeirri breytingu þar sem 58% félagsmanna vill hafa skiptidag áfram á föstudögum en 42% vildi færa hann yfir á miðvikudaga. 

 

 

 

 

 

Í síðustu viku fór fram könnun meðal félagsmanna um það hvort breyta ætti skiptidegi í orlofshúsum Rafiðnaðarsambandsins og færa þá frá föstudegi yfir á miðvikudag. Félagsmenn höfnuðu þeirri breytingu þar sem 58% félagsmanna vill hafa skiptidag áfram á föstudögum en 42% vildi færa hann yfir á miðvikudaga. 

rafidnadarsambandid2Rafiðnaðarsambandið krefst réttlætis til handa heimilum landsins og hvetur önnur verkalýðsfélög og stjórnmálamenn til að gera slíkt hið sama.

Það er hvorki eðlilegt né ásættanlegt að 10.000 fjölskyldur hafi misst heimili sín á nauðungaruppboðum eftir hrun og augljóst að þegar fjöldinn er slíkur sé ekki hægt að líta svo á að um „einkamál“ sé að ræða.

Rafiðnaðarsambandið krefst þess að Alþingi sjái til þess að skipuð verði rannsóknarnefnd, sambærileg við Rannsóknarnefnd Alþingis, án tafar!

rafidnadarsambandid2Í vikunni hafa verið haldir fjölmargir samningafundir með viðsemjendum okkar hjá Samtökum atvinnulífsins. Sérkröfur iðnaðarmannafélaganna hafa verið ræddar sem er mikilvægt í þessu ferli. Dæmi um okkar kröfur er stytting vinnuvikunnar. Iðnaðarmenn vinna almennt mikla yfirvinnu. Þeir vilja skiljanlega draga úr heildarvinnutímanum. Iðnaðarmenn eiga að geta lifað mannsæmandi lífi á laununum án þess að þurfa að vinna dag og nótt við iðju sína. 
 
Það er augljóst að meta þarf menntun iðnaðarmanna til launa enda ein mikilvægasta stétt landsins. Þjóðfélagið þarf vel menntað og starfsglatt fólk við störf í iðngreinum. Ávinningur aukinnar menntunar þarf að skila sér í vasa iðnaðarmanna. 
 
Bæta þarf ákvæði kjarasamninga á ýmsum sviðum þannig að áherslur um fjölskyldulíf og eðlilegan frítíma nái fram að ganga. Mjög algengt er til að mynda að rafiðnaðarmenn standa bakvaktir. Mikilvægt er að það verði viðurkennt að bakvaktir skerða frímatíma og fjölskyldulíf.  
 
Það skiptir okkur miklu máli að fjölga þeim krónum sem sitja eftir í veskjum félagsmanna. Af þeim sökum er það ein meginkrafa okkar að unnið verði að auknum kaupmætti launa og að þeirri stefnu verði viðhaldið, að laun hækki nokkuð verulega umfram verðbólgu á komandi árum. Ráðstöfunartekjur verða að aukast. 
 
Iðnaðarmenn gera kröfu um að tekið verði á húsnæðiskerfi þjóðarinnar, bæði vegna fasteignakaupa og vegna húsaleigu. Ljóst er, að þó að algengara sé að iðnaðarmenn eigi fasteignir fremur en sumir aðrir hópar, þá kemur sú staðreynd engu að síður illa við iðnaðarmenn, að fjármögnun húsnæðis sé lang erfiðasti þátturinn við að eignast húsnæði. Gríðarlega hátt vaxtastig og verulega óréttlátt fyrirkomulag við húsnæðiskaup er veruleiki sem þarf að laga. 
 
Við getum ekki litið hjá því að fjármögnun fasteignakaupa á landsbyggðinni er ekki síður erfið. Þar eru fjármögnunarkostir oft æði fábrotnir. 
 
Lykilatriðið er að lækka vaxtagreiðslur hér á landi. Okurvextir sem almenningi standa til boða eru ekki ásættanlegir og þá skiptir ekki máli hvort um verðtryggð eða óverðtryggð lán er að ræða. Háir vextir gera afborganir nánast óyfirstíganlegar í mörgum tilvikum. Þetta þarf að laga.
 
Fundir með SA halda áfram næstu daga og verður reynt til þrautar að sjá til lands. Hvort það tekst veltur mest  á því hvort fulltrúar SA sýni almennilega á spilin og verði við sanngjörnum kröfum okkar.
 
Kristján Þórður Snæbjarnarson
Formaður RSÍ

Saga ASI bordi Banner2

Okkur langar að vekja athygli ykkar á því að saga ASÍ, sem kom út í tveimur bindum árið 2013, er nú komin á rafrænt form. Hönnuð var sérstök vefsíða utan um þetta mikla verk sem gefur ýmsa möguleika varðandi deilingar, stækka myndir og skoða tilvísanir með því að þysja yfir tilvísananúmer.

Höfundur bókanna er Sumarliði Ísleifsson sagnfræðingur. Kosmos og kaos sá um vefhönnun og rafræna uppsetningu.

Við hvetjum ykkur endilega til að skoða. Þetta er merkileg saga, þetta er sagan okkar. (smella hér)

Paskar2017

Opnað hefur verið fyrir umsóknir í orlofshúsin um páskana. Hægt verður að senda inn umsóknir til og með 27. janúar. Úthlutað eftir punktakerfi 30. janúar.

 

rafis bordar 1300x400 04Í dag var samningafundur iðnaðarmannafélaganna með Samtökum atvinnulífsins haldinn. Þetta var fyrsti fundurinn á árinu en iðnaðarmenn hafa fundað með SA síðan í lok nóvember. Á þessum fundum hafa ýmsar kröfur félaganna verið ræddar en í dag var verklag næstu vikna rætt og ljóst að nokkuð stíft verður fundað næstu vikurnar. Samninganefnd RSÍ fundaði síðan seinnipartinn þar sem farið var yfir stöðu mála. Meðfylgjandi er mynd af samningafundi iðnaðarmanna með fulltrúum Samtaka atvinnulífsins.

IMG 5789 11

Þessi vefur notar vafrakökur til að tryggja eðlilega starfsemi vefsins og mæla heimsóknir á hann. Engar persónugreinanlegar upplýsingar eru vistaðar án samþykkis. Til að lesa nánar um hvernig við notum vafrakökur á þessum vef, Smelltu hér.

Samþykkir þú að vefurinn noti vafrakökur?