rafidnadarsambandid2Helst er það að frétta af starfi síðustu viku að fundir voru haldnir vegna endurnýjunar kjarasamninga RSÍ við Rarik, ISAL sem og fleiri vinnufundir vegna annarra kjarasamninga. 

Vinnustaðaeftirlit hefur verið eflt hjá RSÍ og öðrum iðnfélögum á Stórhöfða á undanförnum mánuðum með ráðningu sameiginlegs eftirlitsfulltrúa. RSÍ tekur auk þess þátt í sameiginlegu eftirliti víðar um landið í samstarfi við önnur stéttarfélög innan ASÍ. Eftirlitið fer því fram víðsvegar um landið. Af eftirlitsferðum vikunnar má nefna að fulltrúar okkar fóru víða um Höfuðborgarsvæðið en auk þess var farin ferð á Suðurlandið, Vestamannaeyjar svo dæmi séu nefnd. 

Æfingar til undirbúnings EuroSkills keppni næsta árs eru hafnar enda krefst þátttaka í keppni sem þessari mikils undirbúnings. 

Fundur var með fulltrúum ríkisstjórnarinnar þar sem farið var yfir stöðu málefna sem ríkisstjórnin skuldbatt sig til þess að vinna framgang í tengslum við kjarasamningana í sumar. 

Í morgun var síðasta golfmót sumarsins þar sem Minningarmót Stefáns Ó. Guðmundssonar var haldið á Kálfatjarnarvellinum á Vatsnleysuströnd. Stefán Ó. heitinn var mikill golfunnandi og var mikill drifkraftur hvað varðaði að halda skemmtileg golfmót fyrir félagsmenn RSÍ, Spennugolfið sem og haustmót RSÍ. Mótinu hefur verið stýrt af Guðbirni Ólafssyni og Helga Einarssyni um árabil og ætíð af mikilli fagmennsku. Mótið í dag var engin undantekning frá því, vel heppnað og skemmtilegt. Veðrið setti þó strik í reikninginn en úrhellisrigning var í morgun en stytti upp á meðan á leik stóð, að mestu.

 Minningarmot 2019 3

Í næstu viku verða  að minnsta kosti samningafundir vegna kjarasamninga við Landsvirkjun, Landsnet OR (og dótturfélög), ISAL. 

Rafmennt wireNú fer að styttast í að RAFMENNT úthluti nýnemum í rafiðnaði spjaldtölvur. Tveir nýir kennarar hófu störf við rafiðnaðardeild Verkmenntaskóla Akureyrar í haust og fengu þeir 

rafmennt spjald

Kristján Þórður Snæbjarnarson afhenti Birni Gunnari Hreinssyni og Magna Rúnari Magnússyni spjaldtölvurnar og óskaði þeim velfarnaðar í starfi.afhendar spjaldtölvur á föstudaginn.

#spjaldtölvur#menntun#vma

Fjorda idnbyltinginFjórða iðnbyltingin er hafin – hún hófst fyrir nokkrum árum og hefur óhjákvæmilegar samfélagslegar breytingar í för með sér. Hún hefur áhrif á okkar daglega líf og birtist okkur á ýmsan hátt með aukinni sjálfvirkni og tækninýjungum. En hún hefur ekki síður í störfum okkar. Til að koma á móts við þær öru breytingar sem verða, þarf að gera öllum kleift að sinna ólíkum störfum.


Þann 25. september heldur menntanefnd ASÍ málþing á Hótel Natura um fjórðu iðnbyltinguna og hvað við þurfum að gera til að undirbúa okkur. 

Dagsetning: 25. september 9:00 - 12:00
Skráningasi@asi.is
Staðsetning: Hótel Natura, Salur 3
Fundarstjóri: Eyrún Valsdóttir, deildarstjóri fræðsludeildar ASÍ

Málþinginu verður streymt á vef ASÍ

Dagskrá
09:00-–09:15  Setning – Kristján Þórður Snæbjarnarson, formaður menntanefndar.
09:10–09:15   Kynning/kennsla á Slido – fundarstjóri fer yfir forritið – og einni spurningu varpað til þátttakenda. 
09:15–09:45   Byltingar og breytingar í námi og kennslu  Tryggvi Thayer, Ph.D, framtíðafræðingur og kennsluþróunarstjóri Menntavísindasviðs HÍ.     
09:45–10:15   Hvernig lítur framtíðin út?  Ragnheiður Hrefna Magnúsdóttir, forstöðumaður hjá Veitum. 
10:15–10:45   KAFFI 
10:45–11:15   Hvað getum við gert?  Róbert Farestveit hagfræðingur ASÍ.   
11:15–11:55   Pallborð – stjórnandi Snorri Már Skúlason 
                       Kristján Þórður Snæbjarnarson, formaður menntanefndar ASÍ 
                       Sveinn Aðalsteinsson, Fræðslumiðstöð atvinnulífsins
                       Guðjónína Sæmundsdóttir, Kvasir
                       Lísbet Einarsdóttir, Starfsafl
                       Helga Ingólfsdóttir Framtíðarnefnd VR.
11:55–12:00   Samantekt  - fundarstjóri
       
Skráning á asi@asi.is                          Smelltu hér fyrir nánari upplýsingar 

 

rafidnadarsambandidRétt fyrir helgi birtist fjárlagafrumvarp ríkisstjórnarinnar. Í því koma fram þær breytingar sem á að gera á tekjuskattskerfinu. Það er verulega jákvætt að sjá að skattþrepum er fjölgað og skattprósenta lækkar verulega í lægsta þrepinu. Þar með er allt það jákvæða komið fram að mér sýnist.

Lagt er til að frítekjumark (skattleysismörk) haldist óbreytt og það er gert með því að lækka persónuafslátt á móti lægri skattprósentu. Þetta þýðir að persónuafsláttur verður mun lægri í lok tímabilsins. Gera má ráð fyrir að persónuafsláttur geti verið að lækka um 8.000 kr, á mánuði, ef lesið er í óljósar tillögur að breytingum. Þetta þýðir þó að skattgreiðslur þyngjast ekki hjá neinum hópi. 

En það er einmitt það sem mun gerast, tekjuskattur hækkar ekki hjá neinum hópi, ekki einu sinni þeirra allra tekjuhæstu! Það er verið að tryggja þeim tekjuhæstu lækkun skattgreiðslum upp á rúmar 3.500 kr mánuði með tilheyrandi tekjutapi fyrir ríkissjóð án þess að viðkomandi aðili hafi nokkra þörf fyrir lækkun skattgreiðslna. Mögulegt hefði verið að létta skattbyrði meira á millitekjuhópinn í stað þessa.

Það er stórmerkilegt ef ríkisstjórnin ætlar að fara þá leið að standa fyrst og fremst vörð um þá allra tekjuhæstu! Þessi útfærsla er ekki fullkomlega í takt við það sem unnið var með í kringum kjarasamningana á almennum vinnumarkaði. Breytingarnar hefðu þurft að koma fyrr til framkvæmda með meiri ávinningi fyrir launafólk. Raunverulegur hátekjuskattur á ofurlaun er hins vegar nauðsynlegur.

Hækkun á fjármagnstekjuskatti á arðgreiðslur úr fyrirtækjarekstri er nauðsynleg. Það þarf að gera breytingar á fjármagnstekjuskatti á þann hátt að uppruni fjármagnstekna ráði skattlagningu og upphæð hennar. Arðgreiðslur úr fyrirtækjum ætti að skattlegja nákvæmlega eins og launatekjur. 

KÞS

Work in Iceland banner

Workers from the member states of EU and EFTA) have the right to work in Iceland and do not need residence- or work permit.

Citizens from outside the EEA must have work- and residence permit before they start working in Iceland. www.vmst.is/en

All foreigners working in Iceland MUST register at Þjóðskrá Registers Iceland www.skra.is/english 
This is important to get rights in the Icelandic Social Security System.

Read more (click here)

Praca na Islandii banner

Obywatele państw należących do UE I EFTA mają prawo do pracy na Islandii bez uprzedniego pozwolenia na pobyt lub pracę.

Obywatele państw nie należących do Europejskiej Wspólnoty Gospodarczej, przed rpzpoczęciem pracy na Islandii muszą otrzymać pozwolenie na pracę i pobyt. www.vmst.is/en

Wszyscy cudzoziemcy pracujący na Islandii MUSZĄ zarejestrować się w Þjóðskrá (Islandzki Urząd Rejestracji Ludności) www.skra.is/english w celu uzyskania praw do w islandkim systemie ubezpieczeń społecznych.

Zobacz więcej (kliknij tutaj)

rafidnadarsambandid2Í vikunni sem nú er senn á enda hefur ýmislegt gerst í starfinu. Á skrifstofu RSÍ hefur verið unnið að innleiðingu á jafnlaunakerfi sem nær yfir starfsemi RSÍ, skrifstofuna. Þetta ferli hefur verið langt en byrjað var á þessu í febrúar á þessu ári og hefur ferlið verið mjög lærdómsríkt en töluvert magn skjala þarf að liggja fyrir í slíku kerfi. Stefnt er að því að innleiðingu verði lokið á þessu ári og að úttekt geti farið fram fyrrihluta næsta árs. Miðstjórn RSÍ hefur samþykkt jafnlaunastefnu RSÍ. RSÍ ber ekki skylda samkvæmt lögum að innleiða jafnlaunakerfi en ákvörðun var tekin að fara í þetta ferli þrátt fyrir það. 

Fundað var vegna kjarasamninga en haldnir voru fundir með fulltrúum Landsvirkjunar sem og ISAL. Viðræðurnar ganga frekar hægt en stefnt er að því að ljúka gerð þeirra eins fljótt eins og kostur er. Í komandi viku verða samningafundir vegna ISAL, Rarik, Landsvirkjun og Landsnets, eins og staðan er núna.

Niðurstaða úr atkvæðagreiðslu um kjarasamning við Já lá fyrir á föstudag og var niðurstaðan sú að samningurinn var samþykktur með miklum meirihluta.

Í upphafi vikunnar tók formaður RSÍ þátt í þingi Norrænu verkalýðssamtakanna, NFS. Þingið hefur verið umtalað í fjölmiðlum um allan heim eða þá fyrst og fremst vera forsætisráðherra Íslands á þinginu. Katrín Jakobsdóttir ávarpaði þingið við setningu þess auk þess sem hún átti fundi með forsvarsmönnum norrænna verkalýðsfélaga. Katrín kom víða við í ræðu sinni en hún snerti meðal annars á stöðu kjaramála og aðkomu stjórnvalda að gerð kjarasamninganna í vor/sumar þar sem ríkið kom með aðgerðir í tengslum við þá. Hún vildi meina að sú aðkoma hafi verið ákveðnari en oft áður en aðkoman var formlegri en oft áður.

Jafnframt kom Katrín inn á jafnréttismálin, loftslagsmál, félagsleg undirboð og brotastarfsemi á íslenskum vinnumarkaði, húsnæðismál og aðgerðir fyrir fyrstu kaupendur og lækkun vaxtakostnaðar.

Á þinginu var fyrst og fremst unnið með málefni sem snúa að norrænu samstarfi sem og samstarfi innan Evrópu. 

Aftur heim, í lok vikunnar var LÝSA, rokkhátíð samtalsins haldin í Hofi á Akureyri. Þessi samkoma er fyrst og fremst hugsuð til þess að ýta undir samtal á milli landsmanna en er fyrirkomulagið sótt til Svíþjóðar frá þeim tíma sem Olof Palme fór um Svíþjóð og nýtti sér frítíma til þess að hitta og ræða við fólkið. 

Iðnfélögin áttu mikla aðkomu að þessum fundi en félögin voru með þrjá viðburði þessu tengt en byrjað var með heimsókn í Verkmenntaskólann á Akureyri, VMA. Nemendur í öllum iðngreinum mættu í matsalinn þar sem Kristján Þórður, talsmaður iðnaðarmanna, fór yfir dagskrá LÝSU og hver helstu verkefni félaganna væru þessa dagana.

Fulltrúi Rafiðnaðarsambandsins afhenti tveimur nýjum kennurum í rafiðndeild VMA spjaldtölvur fyrir hönd Rafbókar. Því næst var samtalið tekið um umhverfismál tengt iðnaði og að lokum var viðræðufundur um styttingu vinnutímans og áhrif styttingar á lýðheilsu landsmanna. 

Rafiðnaðarsambandið bauð gestum og gangandi í léttar veitingar og spjall á Skipagötunni í lok föstudags og í kjölfarið var farið í Götugrill í boði ASÍ-UNG ásamt Pöb-Quiz um verkalýðsmál. Virklega vel gert hjá ASÍ-UNG.

 

kalfatjarnarvollur

Minningarmót Stefáns verður haldið 15 sept á Kálfartjarnavelli Vatnsleysuströnd

Ræst verður út á öllum teigum kl 10 súpa og eitthvað með því á eftir hring.

Spilað verður Texas scramble, tveir saman í liði, samalögð forgjöf deilt með 3.

Gestir velkomnir

Verðið er 3,500 kr á mann og er innifalið eftirfarandi:

 

Teiggjöf
Golfhringur.
Pulsa í hálfleik
Súpa og brauð á eftir

Vinsamlegast skráið ykkur hér og takið fram forgjöf (smella hér)

Kveðja.
Golfnefnd RSÍ

rsi sart rafmennt logo

Með afhendingu öryggislásana er verið stíga stórt skref til þess að draga úr hættu á slysum. Þegar hafa um eitt þúsund félagsmenn fengið lás.

Með notkun öryggislása getur starfsmaður tryggt að hann sé að vinna við búnað sem ekki er spennuhafa. En um leið er verið vekja athygli starfsmanna á því að þeir bera ekki einungis ábyrgð á eigin öryggi heldur þurfa þeir jafnframt að gera ráðstafanir til að tryggja öryggi annarra sem gætu verið í hættu vegna þeirra vinnu eða bilunar í rafbúnaði.

Félagsmenn fá sendan öryggislás sér að kostnaðarlausu með því að skrá sig á "Mínum síðum" á heimasíðu RSÍ og gefa þar upp nafn og GSM símanúmer.

Kjörorð verkefnisins er „Einn lás, eitt líf“

 

golf

Golfmót iðnfélaganna var haldið í annað sinn á Akureyri laugardaginn 31.ágúst í blíðskaparveðri.
Sjá nánar (smella hér)

 

Þessi vefur notar vafrakökur til að tryggja eðlilega starfsemi vefsins og mæla heimsóknir á hann. Engar persónugreinanlegar upplýsingar eru vistaðar án samþykkis. Til að lesa nánar um hvernig við notum vafrakökur á þessum vef, Smelltu hér.

Samþykkir þú að vefurinn noti vafrakökur?