Á síðustu árum hefur ítrekað komið til ágreinings milli ASÍ og SA um hvernig telja skuli veikindadaga. SA hefur haldið því fram að telja skuli almanaksdaga í forföllum en ASÍ haldið því fram að einungis skuli telja þá daga sem launamaður hefði að óbreyttu átt að vinna. Félagsdómur staðfesti túlkun ASÍ með dómi sínum þann 17. desember sl. í máli Verkalýðsfélags Snæfellinga gegn Íslandshótelum.

Deilan hefur aðallega lotið að því hvernig telja skuli úttekt veikindadaga á fyrsta starfsári þ.e. þegar starfsmenn ávinna sér tvo daga fyrir hvern unnin mánuð. Niðurstaða Félagsdóms var mjög afgerandi og þar segir að leggja verði til grundvallar „... að starfsmaður á fyrsta starfsári taki aðeins út veikindarétt sinn þá daga sem hann hefði að óbreyttu átt að vera að vinna, það er þegar hann hefur forfallast, en ekki þegar hann átti að vera í fríi.“

Fyrir Félagsdómi var deilt um fleira. Atvik málsins voru þau að starfsmaður hafði samið um að taka sitt fulla starf út með því að vinna lengri vinnudaga og eiga því fleiri frídaga á móti. Í þeim tilvikum segir Félagsdómur að atvinnurekanda geti verið „... heimilt að telja forföll í klukkustundum og draga þær frá áunnum veikindarétti í klukkustundum.“ Í þessu sambandi er mikilvægt að hafa í huga að hér er Félagsdómur ekki að tala um talningu yfirvinnustunda í ávinnslu eða úttekt, heldur einungis þær stundir sem færðar eru skv. heimild í kjarasamningum. Starfsmaður sem t.d. skilar 100% starfi á 4 dögum í stað fimm, ávinnur sér áfram 2 daga fyrir hvern unnin mánuð en þegar að úttekt kemur kann að vera eðlilegt, veikist hann í heila viku, að telja hann taka út 5 veikindadaga en ekki 4. Dómurinn breytir hins vegar engu fyrir hlutavinnustarfsmann sem vinnur t.d. 4 daga í viku (80%). Í hans tilviki myndi úttektin áfram vera 4 dagar en ekki fimm.

Um talningu veikindadaga og dóminn er nánar fjallað á Vinnuréttarvef ASÍ. Jafnframt er rétt að vekja athygli á því að þrátt fyrir dóminn hefur vinnuréttarvefur SA ekki verið uppfærður og því enn haldið fram að telja skuli almanaksdaga við úttekt.

• Öll dagvinnulaun hækka um a.m.k. kr. 15.750 

• Lágmarkslaun sveina verða kr. 454.756,- hjá RSÍ, Samiðn, VM og FHS. 

• Tímakaup hækkar a.m.k. um 98,5 kr. pr. tíma miðað við 160 klst á mánuði eða 101 kr. pr. tíma miðað við 156 klst á mánuði.  

• Kauptaxtar hækka sérstaklega í samræmi við kjarasamninga. Þeir eru breytilegir eftir kjarasamningum.

Yfirvinna 1  
Yfirvinna 1 er greidd fyrir fyrstu 4 klst á viku að jafnaði eða 17,33 klst á mánuði. Álag á yfirvinnu 1 verður 1 % af mánaðarlaunum fyrir dagvinnu. Yfirvinna 2 er greidd umfram það. 

Yfirvinna 2 
Yfirvinna 2 greiðist fyrir alla tíma umfram 17,33 yfirvinnutíma á mánuði og á nóttunni á milli kl. 00:00-06:00. Álag á yfirvinnu 2 verður 1,15% af mánaðarlaunum fyrir dagvinnu.

Ávinnsla orlofs breytist í flestum kjarasamningum  Við grein 4.1. bætist eftirfarandi: 
Starfsmaður sem unnið hefur 10 ár í starfsgrein hefur rétt á orlofi í 28 daga og orlofslaunum sem nema 12,07%. Hækkun orlofs tekur gildi 1. maí 2021 þannig að hærri orlofsprósenta er greidd frá þeim tíma. Aukið orlof kemur þannig til töku á orlofsárinu sem hefst 1. maí 2022. 

 ATH: Þeir sem eiga ríkari rétt skv. kjarasamningum halda að sjálfsögðu þeim rétti áfram.

Umsóknir vegna páska 2021

Föstudaginn 8. janúar opnar fyrir umsóknir um páska 2021 í orlofshúsum RSÍ. Opið er fyrir umsóknir til 25. janúar 2021. Rafræn úthlutun 28. janúar samkvæmt punktakerfi. Félagsmenn fá sendan tölvupóst um niðurstöðu úthlutunar. Við biðjum félagsmenn að vera vakandi yfir tölvupósti þennan dag þar sem dæmi eru um að tölvupóstur um niðurstöður úthlutunar hefur farið í ruslpóst. 

Að lokinni úthlutun hafa félagsmenn viku til að ganga frá greiðslu. Ef það er ekki gert fer orlofshúsið aftur í umsóknarferli og þá eiga þeir sem ekki fengu úthlutað í fyrri umferð forgang. Að lokum er opnað fyrir alla með það sem eftir stendur og gildir þá reglan “fyrst bóka fyrst fá”

Umsóknir vegna sumars 2021

Opnað verður fyrir umsóknir um orlofshús sumarið 2021 þann 1. febrúar næstkomandi. Opið verður fyrir umsóknir til 28. febrúar. Rafræn úthlutun 1. mars 2021 samkvæmt punktakerfi. Niðurstöður úthlutunar sendar í tölvupósti. Við biðjum félagsmenn að vera vakandi yfir tölvupósti þennan dag þar sem dæmi eru um að tölvupóstur um niðurstöður úthlutunar hefur farið í ruslpóst. 

Umsóknir vegna páska 2021

Föstudaginn 8. janúar opnar fyrir umsóknir um páska 2021 í orlofshúsum RSÍ. Opið er fyrir umsóknir til 25. janúar 2021. Rafræn úthlutun 28. janúar samkvæmt punktakerfi. Félagsmenn fá sendan tölvupóst um niðurstöðu úthlutunar. Við biðjum félagsmenn að vera vakandi yfir tölvupósti þennan dag þar sem dæmi eru um að tölvupóstur um niðurstöður úthlutunar hefur farið í ruslpóst. 

Að lokinni úthlutun hafa félagsmenn viku til að ganga frá greiðslu. Ef það er ekki gert fer orlofshúsið aftur í umsóknarferli og þá eiga þeir sem ekki fengu úthlutað í fyrri umferð forgang. Að lokum er opnað fyrir alla með það sem eftir stendur og gildir þá reglan “fyrst bóka fyrst fá”

Umsóknir vegna sumars 2021

Opnað verður fyrir umsóknir um orlofshús sumarið 2021 þann 1. febrúar næstkomandi. Opið verður fyrir umsóknir til 28. febrúar. Rafræn úthlutun 1. mars 2021 samkvæmt punktakerfi. Niðurstöður úthlutunar sendar í tölvupósti. Við biðjum félagsmenn að vera vakandi yfir tölvupósti þennan dag þar sem dæmi eru um að tölvupóstur um niðurstöður úthlutunar hefur farið í ruslpóst. 

Wnioski na Wielkanoc 2021 r.

W piątek 8 stycznia ruszają rezerwacje domków wakacyjnych RSÍ na Wielkanoc 2021. Aplikacje można składać do 25 stycznia 2021 roku. Przydział elektroniczny odbędzie się 28 stycznia i nastąpi według systemu punktowego. Osoby, ktore zaaplikowaly otrzymają maila z informacją o punktacji. Zwracamy się z prośbą o dokladne sprawdzanie skrzynek mailowych  tego dnia, ponieważ zdarzają się przypadki, w których wiadomości o statusie aplikacji trafiają do SPAMu.

Po pozytywnym rozpatrzeniu wniosku, członkowie związków mają tydzień na sfinalizowanie płatności. Jeśli nie zostanie ona dokonana, domek powróci do procesu aplikacji, a wtedy pierwszeństwo będą mieli ci, którzy nie zostali przydzieleni w pierwszej rundzie. W  takiej sytuacji obowiązuje pierwszeństwo składania rezerwacji.

Wnioski na Wielkanoc 2021 r.

1 lutego 2021 ruszają rezerwacje domków wakacyjnych RSÍ na lato 2021. Wnioski można składać do 28 lutego. Przydział elektroniczny odbędzie się 1 marca 2021 r. zgodnie z systemem punktowym. Osoby, ktore zaaplikowaly otrzymają maila z informacją o punktacji. Zwracamy się z prośbą o dokladne sprawdzanie skrzynek mailowych  tego dnia, ponieważ zdarzają się przypadki, w których wiadomości o statusie aplikacji trafiają do SPAMu.

Vekjum athygli á að hægt er að skila inn umsóknum til og með 8.janúar 2021 vilji félagar nýta styrki fyrir árið 2020. Greitt verður út 18.janúar 2021

Zwracamy uwagę na fakt, że wnioski o dotacje można składać do 8 stycznia 2021 r. - wówczas stypendia zostaną  zarejestrowane na rok 2020 r., a wypłacone w dniu 18 stycznia 2021 r.

Kæru félagar,

Gleðilegt nýtt ár. Ég vil þakka fyrir samskiptin og samstarfið á árinu sem er nú liðið. RSÍ fagnar þeim tímamótum sem runnu upp undir lok árs 2020, nánar tiltekið þann 28. nóvember 2020 þegar 50 ár voru liðin frá því stofnfundur RSÍ hófst. Allar götur síðan hafa verið spennandi og krefjandi í starfinu. Þetta eru tímamót sem við fögnum innlega og við munum gefa okkur færi á að halda upp á afmælið þegar aðstæður leyfa.

RSÍ gaf út afmælisrit þar sem rætt var við forystusveit RSÍ og fjallað var um daginn í dag og horft fram á við. Það er ljóst að samstaðan og fjölbreytnin í hópi RSÍ skiptir sköpum í starfinu. Nýjustu félagar okkar innan sambandsins, félagar í Grafíu, hafa sannarlega styrkt okkur sem heild. Sóknarfæri fyrir okkur verða enn meiri þegar fram í sækir og munu verða sýnilegri þegar ástandið verður eðlilegra í heiminum.

Það dylst engum að nýliðið ár var ekki ár fjölmennra fundarhalda. Okkur gafst ekki færi á að halda hefðbundnu samtali við félaga með þeim hætti sem við hefðum viljað, hádegisfundir með mat og samtali, heimsóknir inn á vinnustaði og svo framvegis. Þrátt fyrir þessar aðstæður þá hefur okkur þó tekist að vinna að mikilvægustu verkefnunum á þessum tímum, þjónusta við félaga okkar, gerð kjarasamninga og ráðgjöf og aðgerðir þegar þörf hefur verið á. Á árinu hefur RSÍ greitt tæplega 400 milljónir í styrki og sjúkradagpeninga til félagsfólks. Auk þess hafa rúmar 70 milljónir hafa farið í ýmsa námskeiðsstyrki. Svona mætti lengi telja.  

Framundan er mjög spennandi ár, ár breytinga og ár tækifæranna. Nú þegar bóluefni er farið að berast er loks farið að sjá ljós í enda ganganna. Það er byrjað að bólusetja viðkvæmasta hópinn í samfélaginum, hvað veiruna varðar, íbúa elliheimila. Auk þess framlínustarfsfólk í heilbrigðisgeiranum þar sem óvissan er hvað mest. Við verðum hins vegar að hafa það í huga að þrátt fyrir að þetta ferli sé hafið þá þurfum við að átta okkur á því að þetta mun líklega taka einhverja mánuði og því þurfum við öll að taka höndum saman og passa upp á sóttvarnir. Við megum ekki slaka á fyrr en öryggið er tryggt.

Kæru félagar, á næstu vikum mun vinna halda áfram við að endurnýja þá kjarasamninga sem hafa runnið úr gildi á síðasta ári og þá samninga sem renna út á þessu nýja ári. Fyrst og fremst eru það stóriðjusamningar sem eru undir hvað þetta varðar. Viðræður eru í gangi við Alcoa Fjarðaál og kjarasamningur við ISAL rennur út um mitt ár og viðræður standa yfir við Samband Sveitarfélaga. Gerð kjarasamninga er meginverkefni í starfsemi RSÍ og er mjög umfangsmikið enda eru virkir kjarasamningar tæplega 30 talsins hjá RSÍ.

Á árinu heldur áfram undirbúningsvinna við næstu endurnýjun á öllum kjarasamningum. Endurskoðun kjarasamninga fer fram í september og kjarasamningar gilda til seinnihluta næsta árs, haldi þeir gildi sínu á árinu. Við erum í miðri á hvað varðar fjölmörg atriði í kjarasamningum. Í launakönnun RSÍ sem gerð var í október kom fram að hjá rúmlega helmingi félaga okkar hefur vinnutími þegar verið styttur en hjá um 2/3 hefur vinnutímastytting annað hvort verið framkvæmd eða er í undirbúningi. Það er því um 1/3 hluti félaga sem ekki hefur enn hafið vinnu við að stytta vinnutímann.

Í dag taka gildi nýjir launataxtar og laun hækka samkvæmt kjarasamningum. Lágmarkslaun sveina í rafiðngreinum eru í dag 454.756 kr fyrir mánuð. Lægsta tímakaup fyrir rafiðnaðarsvein er 2.842 kr frá og með 1. janúar 2021. Almenn launahækkun er 15.750 kr. Hvet ég félaga okkar til þess að fylgjast með því að launahækkanir skili sér og að greidd laun séu hærri en lágmarkslaun.

Árið 2021 verður án efa gott ár og eftirminnilegt. Ég vona að okkur takist vel til að halda faraldrinum í skefjum fyrri hluta ársins á meðan við erum að ná upp vörnum með bólusetningu landsmanna og heimsbyggðarinnar allrar. Ég óska ykkur því gleðilegs nýs árs og farsældar á nýju ári, þakka öll samskptin og samstarfið á árunum sem eru að líða.

Kristján Þórður Snæbjarnarson

Formaður RSÍ